இன்றைய முக்கியத் தலைப்புச் செய்திகள் (06 அக்டோபர் 2026)

தமிழ்நாடு

• வாக்காளர் நீக்கத்தால் தேர்தல் முடிவுகள் மாறினவா? பிசினஸ்லைன் ஆய்வில் அதிர்ச்சி: தமிழ்நாட்டின் தேர்தல் முடிவுகளைத் தேர்தல் ஆணையத்தின் வாக்காளர் பட்டியல் தீவிர சிறப்புத் திருத்தம் (SIR) மாற்றியமைத்ததா என்பது குறித்து 'தி இந்து' மற்றும் 'பிசினஸ்லைன்' நாளேடுகள் நடத்திய ஆய்வில் பகீர் தகவல்கள் வெளியாகியுள்ளன. அதிகளவில் வாக்காளர்கள் நீக்கப்பட்ட தொகுதிகளிலேயே தவெக அதிக இடங்களில் வென்றிருப்பது அரசியல் அரங்கில் விவாதத்தை ஏற்படுத்தியுள்ளது.

1. தாராபுரம், மதுராந்தகம் இடைத்தேர்தல் - விறுவிறுப்பான வாக்குப்பதிவு: தாராபுரம் மற்றும் மதுராந்தகம் சட்டமன்றத் தொகுதி இடைத்தேர்தலுக்கான வாக்குப்பதிவு இன்று காலை 7 மணிக்குத் தொடங்கி அமைதியாக நடைபெற்று வருகிறது; பதற்றமான வாக்குச்சாவடிகளில் கூடுதல் துணை ராணுவத்தினர் கண்காணிப்பில் ஈடுபட்டுள்ளனர்.

2. 
   சேலை, காமாட்சி விளக்கு விநியோகம் - மதுராந்தகத்தில் கூப்பன் சர்ச்சை: தாராபுரம் தொகுதியில் வாக்காளர்களுக்குத் தவெக சார்பில் சேலை மற்றும் காமாட்சி விளக்குகள் வழங்கப்பட்டதாகக் குற்றச்சாட்டுகள் எழுந்துள்ளன; அதேபோல் மதுராந்தகத்தில் டோக்கன்/கூப்பன் விநியோகம் செய்தவர்களை அதிமுகவினர் விரட்டியடித்ததால் பரபரப்பு நிலவியது.

இந்தியா & சர்வதேசம்

6. தலைமைத் தேர்தல் ஆணையர் விவகாரம் - உச்ச நீதிமன்றம் இடைக்காலத் தடை மறுப்பு: வாக்காளர் தீவிர மறுசீரமைப்பு (SIR) குளறுபடிகள் தொடர்பாகத் தலைமைத் தேர்தல் ஆணையர் ஞானேஷ் குமாரைத் தற்காலிகப் பணியிடை நீக்கம் செய்ய உச்ச நீதிமன்றம் மறுப்பு தெரிவித்து, விளக்கம் கேட்டு நோட்டீஸ் பிறப்பித்துள்ளது.

7. ஜந்தர் மந்தர் போராட்டம் - சிஜேபி வார்னிங்: அக்டோபர் 10 அன்று டெல்லி ஜந்தர் மந்தரில் நடைபெறவுள்ள மாபெரும் கண்டனப் போராட்டத்திற்கு முன்னதாக தங்களின் தலைவர்களைக் கைது செய்ய மத்திய அரசு திட்டமிடுவதாகக் கரப்பான் பூச்சி ஜனதா கட்சி (CJP) குற்றம்சாட்டியுள்ளது.

8. சுவிஸ் அதிபருடன் பிரதமர் மோடி பேச்சுவார்த்தை: இந்தியா வருகை தந்துள்ள சுவிட்சர்லாந்து அதிபர் கை பார்மிலினைப் பிரதமர் நரேந்திர மோடி நேரில் சந்தித்துப் பேசி, முதலீடு, வர்த்தகம் மற்றும் அதிநவீன தொழில்நுட்பங்கள் தொடர்பாக 5 முக்கிய ஒப்பந்தங்களில் கையெழுத்திட்டுள்ளனர்.
   
   இம்ரான் கானை விடுவிக்கக் கோரி பாகிஸ்தானில் பேரணி: ராவல்பிண்டி சிறையில் அடைக்கப்பட்டுள்ள முன்னாள் பிரதமர் இம்ரான் கானை உடனடியாக விடுதலை செய்யக் கோரி இஸ்லாமாபாத்தில் பிடிஐ தொண்டர்கள் பேரணி நடத்தினர்; கோரிக்கைகள் ஏற்கப்படாவிட்டால் நாளை மறுநாள் நாடு தழுவிய அளவில் மாபெரும் போராட்டம் வெடிக்கும் என எச்சரித்துள்ளனர்.
   

9. ஜம்மு-காஷ்மீரில் சட்டவிரோதக் குடியேறிகள் நாடுகடத்தல்: உரிய ஆவணங்களின்றி ஜம்மு-காஷ்மீரில் தங்கியிருந்த 150 வங்கதேச நாட்டினரை அதிகாரப்பூர்வமாக அவர்களது சொந்த நாட்டிற்கு நாடுகடத்தும் நடவடிக்கைகளை அதிகாரிகள் தொடங்கியுள்ளனர்.
   
   காங்கோவில் கோர படகு விபத்து - 30 பேர் பலி: காங்கோ ஜனநாயகக் குடியரசில் ஆற்றில் சென்ற 2 பயணிகள் படகுகள் நேருக்கு நேர் மோதிக்கொண்ட விபத்தில் 30 பேர் உயிரிழந்தனர்; ஆற்று நீரில் மூழ்கி மாயமான 10-க்கும் மேற்பட்டோரை மீட்கும் பணிகள் தீவிரமாக நடைபெற்று வருகின்றன.
   

10. இந்தியா - வெஸ்ட் இண்டீஸ் முதல் டி20 பலப்பரீட்சை: இந்தியா மற்றும் வெஸ்ட் இண்டீஸ் அணிகளுக்கு இடையிலான முதலாவது டி20 கிரிக்கெட் போட்டி இன்று நடைபெறுகிறது. ஒருநாள் தொடரை முழுமையாகக் கைப்பற்றிய இந்திய அணி, டி20 தொடரையும் வெற்றியுடன் தொடங்கும் முனைப்பில் களமிறங்குகிறது.